Ministri i Jashtëm i Rusisë ka thënë se barra i takon Ukrainës që të zgjidhë problemin e rifillimit të dërgesave të grurit duke çminuar portet e saj.

Duke iu drejtuar gazetarëve në Ankara pas bisedimeve me homologun e tij turk Mevlut Cavusoglu, Lavrov pretendoi se nuk kërkohej asnjë veprim nga pala ruse sepse ajo kishte marrë tashmë angazhimet e nevojshme, shkruan Aljazeera.

“Ne deklarojmë çdo ditë se jemi gati të garantojmë sigurinë e anijeve që largohen nga portet ukrainase dhe drejtohen drejt gjirit të Bosforit, ne jemi gati ta bëjmë këtë në bashkëpunim me kolegët tanë turq”, tha ai.

“Për të zgjidhur problemin, e vetmja gjë që nevojitet është që ukrainasit të lënë anijet të dalin nga portet e tyre, qoftë duke i çminuar ose duke shënuar korridore të sigurta, nuk kërkohet asgjë më shumë.”

Lavrov pretendoi se problemi kryesor ishte se presidenti ukrainas Volodymyr Zelenskyy kishte “refuzuar kategorikisht” për të zgjidhur çështjen e porteve të minuara dhe tha se vlerësonte përpjekjet e Turqisë në kërkimin e mënyrave për të zgjidhur situatën. /arbresh.info/