Në një lëvizje të befasishme, disa anëtarë të opozitës së armatosur të Sirisë janë evakuuar të premten mbrëma, nga Ghouta Lindore e mbajtur nga rebelët, thanë burime për Al Jazeera.

Evakuimi vjen pasi ushtria siriane intensifikoi operacionet e saj në pjesën qendrore të periferisë së rrethuar të Damaskut, njoftoi televizioni shtetëror, transmeton portali Arbresh.info.

Jaish al-Islam, një nga grupet kryesore rebele në Ghouta Lindore, njoftoi se kishte rënë dakord për evakuimin e disa luftëtarëve të Hayat Tahrir al-Sham më parë pjesë e Frontit Al Nusra të lidhur me al-Kaidën – të cilët u arrestuan nga grupi në Ghouta Lindore.

Sipas mediave siriane, 13 luftëtarë u evakuuan me familjet e tyre përmes pasazhit të al-Wafeedin dhe u bartën në provincën Idlib.

Marrëveshja për evakuimin thuhet se është arritur me ndihmën e Kombeve të Bashkuara dhe disa subjekteve ndërkombëtare, përveç anëtarëve të shoqërisë civile.

Marrëveshja e evakuimit erdhi pasi Jaish al-Islam dërgoi një letër muajin e kaluar në OKB duke u zotuar për të lehtësuar evakuimin e ish-anëtarëve të al-Kaidës./Arbresh.info/