Pas mbledhjes së Këshillit të Sigurisë së Serbisë, është bërë e ditur se Rusisë nuk do t’i vendosin sanksione autoritetet atje.

Presidenti serb, Aleksandar Vuçiq, sipas mediumit serb ‘Novosti’ në një adresim për media, ka thënë se e sheh të panevojshme çështjen e sanksioneve ndaj Rusisë, raporton arbresh.info.

“Serbia gjatë diskutimeve duhet të menaxhojë mbrojtjen e interesave të saj jetike dhe shtetërore. Serbia beson se nuk është e rëndësishme për momentin që të vendosen sanksione ndaj ndonjë shteti, përfshirë Rusinë”, thuhet në një ndër pikat e prezantuara nga Vuçiqi.

Megjithatë, kreu i Serbisë ka thënë se shteti i tij e mbron integritetin territorial të Ukrainës.

Vendimet vijnë pas presionit që iu është bërë Vuçiqit të reagojë karshi situatës në Ukrainë./arbresh.info/