Presidenti i SHBA-ve, Donald Trump dhe administrata e tij “janë duke u përgjëruar për luftë bërthamore”, ka deklaruar ministria e Jashtme e Koresë Veriore.

“Trump është duke bërë një gabim të rrezikshëm bërthamorë në gadishullin Korean”, thuhet në deklaratën e Ministrisë së Jashtme, e cila ndër të tjera e quan Trumpin “demon” dhe “shkatërrues të paqes globale”, shkruan CNN, transmeton portali arbresh.info

Komentet janë bëtë para stërvitjeve ushtarake mes ushtrisë amerikane dhe asaj koreano jugore. Stërvitjet e planifikuara që të fillojnë të hënën do të kryhen nga 12 mijë ushtarë amerikanë dhe pritet që 230 avionë luftarakë të jenë pjesë e stërvitjes, të njohur si Vigilant Ace.

Zyrtarët e Koresë Veriore kanë bërë komente të ngjajshme gjatë muajit të kaluar.

Presidenti Trump e ka rivendosur Korenë Veriore në listën e sponsorëve shtetërore të terrorizmit, pasi ishte hequr nga lista në vitin 2008, nën adiministratën e George W.Bush.

Deklarata e fundit e Veriut gjithashtu vjen ditë pasi regjimi i Kim Jong-un provokoi një raketë balistike të re ndërkontinentale, të cilën ekspertët e kanë vlerësuar si përparim të madh teknologjik të vendit dhe si kërcënim për mbarë rajonin./arbresh.info/