Konflikti izraelito-palestinez, Kerry: Shpresa për paqe në rrezik serioz

FILE PHOTO: U.S. Secretary of State John Kerry (L) meets with Israeli Prime Minister Benjamin Netanyahu in Manhattan, New York, U.S., September 23, 2016. REUTERS/Darren Ornitz/File Picture

18:08 | 28 Dhjetor 2016
Trina Galanxhi

Sekretari Amerikan i Shtetit, John Kerry, ka paraqitur parametrat për një zgjidhje me dy shtete për konfiktin izraelito-palestinez, duke thënë se Shtetet e Bashkuara nuk mund të qëndrojnë të heshtura.

Në një fjalim vetëm disa javë para se administrata e Obamës të dorëzojë pushtetin në duart e Donald Trump, Kerry ka mbrojtur vendimin e SHBA-ve për të lejuar kalimin e rezolutës së OKB-së që kërkon dhënien fund të ndërtimit të vendbanimeve izraelite, duke thënë se ai kishte për qëllim ruajtjen e një mundësie për një zgjidhje mes dy shteteve, transmeton arbresh.info.

“Pavarësisht përpjekjeve tona më të mira, zgjidhja mes dy shteteve është në rrezik serioz”, ka thënë Kerry.

“Ne nuk mund të rrimë duarkryq dhe të mos themi asgjë kur shohim se shpresa për paqe po na rrëshqet nga duart.”/Arbresh.info