Komiteti Gjyqësor i Senatit amerikan ka miratuar dy akuzat e shkarkimit kundër presidentit Donald Trump, duke e çuar procesin drejt votës së Senatit.

Vota e komitetit ishte e ndarë në bazë të linjave partiake. Nenet pritet të votohen nga Dhoma e Përfaqësuesve që kontrollohet nga Demokratët javën  ardhshme, transmeton portali arbresh.info.

Liderët e Partisë Demokratike iu janë lutur ligjvënësve që të kërkojnë në ndërgjegjen e tyre para se të bëhet votimi historik.

Trump është presidenti i katërt i SHBA-së në histori që përballet me fajësimin.

Seanca dëgjimore e së premtes zgjati pak më shumë se dhjetë minuta para se të dy nenet e fajësimit – shpërdorimi i pushtetit dhe pengimi i Kongresit – u miratuan me 23 vota në 17.

Votimi ishte pritur të enjten por u vonua pas më shumë se 14 orësh debat të egër. Republikanët kritikuan atë vendim të kryetarit të Partisë Demokratike Jerry Nadler, duke e akuzuar atë se po nxiste votën për të siguruar më shumë mbulim televiziv./arbresh.info/