Numri i vdekjeve nga Covid-19 në Kolumbi e ka kaluar shifrën 80 mijë dje, dhe njësitë e kujdesit intensiv janë pothuajse të plota në qytetet më të mëdha, ku një numër i madh njerëzish janë mbledhur për javë të tëra për të protestuar kundër qeverisë.

Autoritetet paralajmëruan këtë javë se protestat – të kërkuara nga opozita mbi reformën e taksave që kanë ngecur që tani, por tani janë kthyer në një protestë kundër pabarazisë dhe mizorisë së policisë – mund të zgjasin valën e tretë tashmë shkatërruese të epidemisë, transmeton portal arbresh.info

Kryebashkiakja e Bogotës, Claudia Lopez, paralajmëroi se kryeqyteti kishte numrin e dytë më të lartë të infeksioneve të reja me koronavirus dhe numrin më të lartë të vdekjeve që kur filloi pandemia.

Ajo ka njoftuar se është infektuar edhe vetë me koronavirus, dhe se ndodhet ne vetë-izolim.

Rreth 470 njerëz vdesin çdo ditë nga Covid-19 në Kolumbi, dhe të premten numri i përgjithshëm arriti në 80,250.

Presioni mbi njësitë e kujdesit intensiv është shqetësues në kryeqytet, kështu që qeveria ka njoftuar se pacientët do të zhvendosen në qytete të tjera.

Ekspertët e shëndetësisë tregojnë se ata respektojnë të drejtën e njerëzve për të protestuar, por paralajmërojnë që grupe më të mëdha nuk duhet të mblidhen më./arbresh.info/