Ministri i Jashtëm kinez Wang Yi ka paralajmëruar SHBA’në dhe Korenë e Veriut se nëse lufta nis në mes të dyja vendeve, ai ka thënë se askush nuk do të dalë fitimtarë.

Këto deklarata ministri i jashtëm i Kinës, Wang Yi, i ka bërë për agjencinë e lajmeve kineze Xinhua, ku tha se nëse nis lufta në mes të SHBA’së dhe Koresë së Veriut “dëmet janë të pakthyeshme dhe askush nuk do të jetë fitimtarë”, shkruan US Today, transmeton Gazeta Express.

“Nëse lufta shpërthen në Gadishullin Korean, të dyja palët do të humbin, askush nuk do të fitojë”, ka thënë ministri i jashtëm kinez.

Koreja e Veriut iu ka përgjigjur SHBA’së se nëse merr ndonjë veprim, ata do t’i përgjigjen me “forcë të pakthyeshme”, derisa në anën tjetër SHBA’ja, është vendosur në ujërat e Paqësorit dhe ka paralajmëruar vendin për testet e saj të armëve bërthamore – për të cilat Koreja nuk e ka ndërmend të ndalët.