Kiev: Refuzoi të bashkëpunonte me rusët, vritet drejtori i filarmonisë së Khersonit

22:31 | 15 Tetor 2022
E.H

Yuriy Kerpatenko, i cili drejtonte Orkestrën e Dhomës së Filarmonisë Kherson, u vra më 12 tetor në pragun e shtëpisë së tij.

Sipas disa burimeve lokale, konduktori u qëllua për vdekje nga shërbimet speciale ruse.

Yuriy Kerpatenko nuk e kishte fshehur kurrë kundërshtimin e tij ndaj ndërhyrjes ruse në Ukrainë, shkruan euronews.al.

Rrethanat e vdekjes së Kerpatenko janë ende mjaft të paqarta. Sipas disa mediave lokale, muzikanti refuzoi të hapte derën e banesës së tij për ushtarët e armatosur rusë, të cilët, përballë këtij refuzimi, qëlluan nga dera e përparme duke i shkaktuar vdekjen.

Sipas faqes Kherson on line, një ditë më parë, Youriy Kerpatenko kishte refuzuar hyrjen në strehimin e tij për këta burra që kishin premtuar se do të ktheheshin.