Përderisa trupat ruse janë duke iu ofruar kryeqytetit të Ukrainës, Kievit, ambasada italiane është duke u zhvendosur për në Lviv.

Gjatë transferimit, ambasadori Pier Francesco Zazo arriti të shpëtojë rreth 20 fëmijë. Mes tyre edhe 6 të porsalindur, të cilët ditëve të fundit ishin strehuar në ambasadë, transmeton portal arbresh.info

“Dua të falënderoj ambasadorin në Ukrainë, Pier Francesco Zazo, stafin e ambasadës për shpirtin e shërbimit, përkushtimin dhe guximin. Njësia e krizës mban kontakte të rregullta me bashkatdhetarët tanë në Ukrainë dhe me familjarët në Itali”, ka theksuar Draghi.

“Krenari e madhe është ambasadori italian në Ukrainë, Pier Francesco Zazo”, shkruan Enzo Amendola, nënsekretar i presidencës së Këshillit me delegacionin për Çështjet e BE-së, “ i cili gjatë transferimit të ambasadës nga Kievi në Lviv shpëtoi një grup të miturish dhe foshnjash. Një tjetër dëshmi e punës së jashtëzakonshme të trupit diplomatik dhe forcave të armatosura”./arbresh.info/

https://twitter.com/sirius1936/status/1498718027558359041

https://twitter.com/amendolaenzo/status/1498671189123817486