Kasapët francezë i kanë shkruar qeverisë për të kërkuar mbrojtje kundër militantëve vegjetarianë, duke i akuzuar ata që po bëjnë përpjekje për të larguar kulturën tradicionale të ngrënies së mishit.

Dyqanet janë sulmuar me gurë ose janë mbuluar me grafitë kundër mishit, thotë Federata e Kasapëve Francezë, transmeton portali arbresh.info.

Përgjatë muajve të fundit, 15 dyqane janë spërkatur me gjak të rremë.

Kryetari i Federatës Jean-François Guihard tha në letër se sulmet e tilla janë një formë terrorizmi.

“Është terror atë që këta njerëz duan të arrijnë, në qëllimin e tyre për të zhdukur një kulturë të tërë franceze”, shkruan ai.

Vegjetarianët duan të “imponojnë në shumicën e njerëzve mënyrën e tyre të jetesës, apo madje edhe ideologjinë e tyre”.

Vegjetarianët dhe veganët e përbëjnë vetëm një përqindje të vogël të popullatës franceze. Një anketë e vitit 2016 tregoi se 3% e francezëve janë vegjetarianë./Arbresh.info/