Policia belge ka shkatërruar një dërgesë masive të kokainës në Ghent, të shënuar me një simbol të ariut, logo identike me Partinë e Bashkuar të Rusisë.

Gati dy ton kokainë u zbuluan të martën. Droga u fsheh në tre kontenierë, duke arritur në qytetin port të Ghent nga Brazili.

Kokaina u paketua në më shumë se 1900 pako të ndara, disa prej të cilave ishin të markës me një logo që përshkruante një ari polar nën flamurin trengjyrësh rus.

Imazhi është praktikisht identik me logon zyrtare të Partisë në pushtet të Rusisë.

Lënda narkotike u gjet në tre kontenjerë e fshehur poshtë pllakave. Policia belge sqaron se vlera e saj në rrugë është rreth 100 milionë euro.

Hetimi mbi organizatën që qëndron prapa këtij transporti është në vazhdim.

Në korrik, një dërgesë e madhe kokaine e kapur në Guatemalë mbante foton e yllit brazilian të futbollit Neymar.