Ekipi evropian i mbrojtjes së Julian Assange do të tentojë të kërkojë azil në Francë për themeluesin e WikiLeaks.

Anëtari francez i ekipit Eric Dupont-Moretti tha se rasti i Assange vendoste në rrezik “fatin dhe statusin e të gjithë gazetarëve”, transmeton portali arbresh.info.

“Ne konsiderojmë se situata është mjaft serioze se detyra jonë është të flasim për atë me Presidentin Francez Emmanuel Macron”, tha avokati.

Ai ishte një nga avokatët e rreshtuar në një konferencë shtypi në Paris për të shpjeguar pse ata e konsiderojnë çështjen kundër Assange si të padrejtë, duke përmendur shëndetin e tij të dobët dhe shkeljet e pretenduara të të drejtave të tij ndërsa ishte në burg në Londër.

Seancat dëgjimore të Assange për ekstradimin në Shtetet e Bashkuara për akuzat e spiunimit fillojnë javën e ardhshme në kryeqytetin britanik.

Anëtarët francezë të ekipit thanë që ata kanë punuar në një ” kërkesë konkrete ” për Macron që t’i japë azilit Assange në Francë, ku ai ka fëmijë dhe ku Wikileaks ishte i pranishëm në themelimin e saj.

“Nuk është një kërkesë e zakonshme”, tha avokati Antoine Vey, duke theksuar se Assange nuk është në tokën franceze./arbresh.info/