Pritja tradicionale e Vitit të Ri në Japoni, të cilën e organizon perandori japonez, sivjet është anuluar për shkak të rritjes së të infektuarve me koronavirusin e ri (COVID-19) në këtë vend.

Agjencia për çështje perandorake (Kunaicho) vendosi të anulojë kremtimin që në fillim të çdo viti mbahet në sheshin e pallatit në Tokio, raporton agjencia e lajmeve Kyodo.

Në këtë mënyrë nuk do të mbahet as ngjarja në kuadër të së cilës perandori Naruhito dhe perandoresha Masako më 2 janar nga ballkoni i pallatit përshëndesin mijëra persona.

Vendimi theksoi se prania e një numri të madh njerëzish në pjesën e hapur dhe të mbyllur të pallatit mund të përbënte rrezik të madh në kontekstin e procesit të epidemisë.

Adresimi i parë i ditëlindjes së perandorit Naruhito, i cili mori fronin në maj të vitit 2019, po ashtu u anulua për shkak të pandemisë së koronavirusit, ndërsa Naruhito në shkurt të këtij viti mbushi 60 vjeç.

Adresimi tradicional i perandorit me rastin e Vitit të Ri për herë të fundit në Japoni është anuluar në vitin 1990, për shkak të vdekjes së perandorit Hirohito./AA/