BE-ja i thotë Erdoganit që kanë interesa të përbashkëta, por edhe sfida të mëdha

22:08 | 26 Mars 2018
Trina Galanxhi

Bashkimi Europian ka shprehur shqetësimine tij në lidhje me respektimin e sundimit të ligjit nga ana e Presidentit turk, Recep Tayyip Erdogan në vendin e tij, ndërsa nuk ka lënë anash as veprimet e Turqisë në Siri dhe në Mesdheun lindor.

Megjithatë, BE-ja është shprehur e gatshme të ofrojë mbështetjen e saj për refugjatët sirianë, transmeton portali arbresh.info

“Takimi ynë sot ka treguar se marrëdhëniet tona po kalojnë në një periudhë shumë të vështirë”, tha Donald Tusk pas samitit BE-Turqi në Varna.

“Ne rikonfirmojmë gatishmërinë tonë për të vazhduar dialogun dhe bisedën dhe për të punuar me qëllim që të kapërcejmë vështirësitë aktuale me synimin për të çliruar potencialin e partneritetit tone”, shtoi ai./arbresh.info/