Izraeli u kërkon banorëve në Teheran të largohen menjëherë: Do godasim infrastrukurën ushtarake

16:32 | 16 Qershor 2025
E.G

Ushtria izraelite ka lëshuar një paralajmërim urgjent duke u kërkuar njerëzve të largohen “menjëherë” nga një zonë e gjerë e Teheranit.

Në paralajmërim, ushtria izraelite u tha iranianëve që në orët në vijim do ta sulmojnë infrastrukturën ushtarake të Iranit.

“Në orët në vijim, IDF do të veprojë në këtë zonë, ashtu siç ka bërë ditët e fundit në mbarë Teheranin, për të goditur infrastrukturën ushtarake të regjimit iranian,” shkruan zëdhënësi i Forcave të Mbrojtjes së Izraelit (IDF), Avichay Adraee, në platformën X, shkruan BBC, transmeton Klankosova.tv.

Ai ka bashkangjitur një hartë me paralajmërimin, duke treguar se banorët në pjesë të distriktit të tretë të qytetit duhet të largohen nga zona.

“Prania juaj në këtë zonë rrezikon jetën tuaj”, u tha në fund të paralajmërimit.