Izraeli ka njoftuar mbylljen e kalimit kufitar me Gazën, si përgjigje ndaj gjuajtjesh me raketa nga enklava për shkak të njohjes së Jerusalemit si kryeqytet të Izraelit nga Donald Trump.

Avionët izraelitë goditën tre objekte që i përkisnin Hamasit, grupit militant që kontrollon Rripin e Gazës, para agimit të enjten pas sulmeve të fundit me raketa, tha ushtria izraelite, transmeton portali arbresh.info

Ai tha se kishte në shënjestër kampet e trajnimit dhe komponimet e magazinimit të armëve. Hamasi zakonisht evakuon objekte të tilla kur tensioni i kufirit rritet.

Dy nga raketat që u qëlluan nga militantët u kapën nga sistemi anti-raketor i Izraelit i Iron Dome dhe një e treta shpërtheu në një zonë të hapur. Nuk kishte raportime për viktima në të dyja anët e kufirit, raporton Reuters.

Ushtria tha në një deklaratë se “për shkak të ngjarjeve të sigurisë dhe në përputhje me vlerësimet e sigurisë” kalimi Kerem Shalom – pika kryesore e kalimit për mallrat që hyjnë në Rripin e Gazës dhe kalimi i këmbësorëve në Erez do të mbyllen që nga e enjtja. Nuk tha se sa do të zgjaste mbyllja.

Rreth 15 raketa janë qëlluar në Izraelin jugor që nga shpallja e Trump më 6 dhjetor dhe asnjë prej predhave nuk ka shkaktuar lëndime të rënda apo dëmtime./Arbresh.info/