Izrael, mijëra afrikanë protestojnë kundër planit të dëbimit

22:29 | 24 Shkurt 2018
Trina Galanxhi

Mijëra azil kërkues nga Afrika kanë protestuar kundër planit të Izraelit për deportim.

Qeveria e Izralit u ka dhënë kohë emigrantëve që të largohen deri me datën 1 prill, në këmbim të 3,500 dollarëve dhe një bilete avioni, trasmeton portali arbresh.info

Ata që refuzojnë të largohen do të burgosen.

Afrikanët, pothuajse të gjithë nga Eritrea diktatoriale dhe Sudani i shkatërruar nga lufta, kanë deklaruar se ata ndjehën të keqtrajtuar dhe të tmerruar me vendimin e Izraelit.

Izraeli e konsideron shumicën dërrmuese të afro 40,000 emigrantëve si punëkërkues dhe thotë se nuk ka obligim ligjor për t’i mbajtur ato.

Kritikët e kanë quajtur planin qeveritar joetik dhe një njollë mbi imazhin e Izraelit si një strehë për emigrantët hebrenj./arbresh.info/