Një anije italiane e rojes bregdetare që mbante më shumë se 900 emigrantë u lejua të zbarkonte në Sicili, pak pasi Italia kundërshtoi lejimin e një anije me emigrantë që të zbarkonte në vend.

Anija Diciotti mbërriti në portin e Catania dhe emigrantët filluan të zbrisnin,  tha një fotograf i AFP-së, transmeton portali arbresh.info

Një zyrtar nga rojet bregdetare tha se janë shpëtuar më shumë se 900 emigrantë, të cilët u shpëtuan nga operacione të shumta jashtë brigjeve të Libisë.

Qeveria e re populiste në Itali u sulmua nga vendet e BE-së, pasi refuzoi të lejonte një anije me 629 emigrantë, përfshirë edhe fëmijë, që të zbarkonte në vend.

Italia është kritikuar më shumë nga Franca, nga e cila edhe po pret një kërkim falje, ndërsa Spanja ka hapur dyert për emigrantët që kishin mbetur në det për disa ditë.

Ministri i ri i brendshëm i Italisë Matteo Salvini këmbënguli të martën se portet e vendit nuk do të ishin më të hapura për anijet e huaja që mbanin emigrantë.

Ai ka akuzuar në mënyrë të përsëritur organizatat bamirëse që po punojnë me trafikantët e qenieve njerëzore, por tha se Italia nuk do të ndalonte shpëtimin e varkave me migrantë./arbresh.info/