Italia të hënën mohoi sigurimin e një porti të sigurt për 141 personat e shpëtuar nga anija humanitare Aquarius, jashtë brigjeve të Libisë javën e kaluar, duke krijuar një tjetër qëndrim me aleatët e Bashkimit Evropian lidhur me atë se kush do t’i merrte ata.

Aquarius, i udhëhequr nga shoqata bamirëse franko-gjermane SOS Mediterranee dhe Mjekët pa Kufij (MSF), mori njerëzit në dy operacione të ndara dhe tani gjendet në ujërat ndërkombëtare midis Italisë dhe Maltës.

Malta tha të shtunën se nuk do të mirëpriste anijen ndërsa Spanja tha se portet e saj nuk ishin destinacioni më i sigurt për të.

Më shumë se 650,000 emigrantë kanë ardhur në brigjet e Italisë që nga viti 2014, duke nxitur Romën të akuzojë shtetet e BE për mos ndarjen e barrës së kujdesit për ata që vijnë në kufirin jugor të bllokut.

Aquarius kaloi nëntë ditë në det në qershor, pasi qeveria e re populiste e Italisë mori detyrën dhe mbylli portet e saj për të gjitha anijet humanitare, duke i quajtur ata një “shërbim taksi” dhe duke i akuzuar për ndihmë ndaj kontrabandistëve – akuza këto që organizatat bamirëse i mohojnë./arbresh.info/