Ish-kancelari gjerman, Gerhard Schröder pritet të takohet sot në Moskë me presidentin rus, Vladimir Putin, për të biseduar për përfundimin e luftës Rusi-Ukrainë.

Vizita e ish-kancelarit gjerman në Moskë pasoi bisedimet në Stamboll me një politikan ukrainas, i cili është anëtar i delegacionit të vendit për bisedimet e paqes me Rusinë , thanë burimet për Politico.

Ukraina donte të shihte nëse Schröder mund të ndërtonte një urë për dialogun me Putinin.

Schröder, i cili shërbeu si kancelar gjerman nga viti 1998 deri në 2005, është kritikuar ashpër brenda dhe jashtë vendit për refuzimin e tij për të shkëputur lidhjet e tij të ngushta me kompanitë ruse që nga pushtimi rus i Ukrainës.

Ai është në bordin e gjigantit rus të naftës Rosneft dhe është kryetar i komitetit të aksionerëve të kompanisë që është përgjegjëse për ndërtimin e gazsjellësit Nord Stream 2.

Javën e kaluar, i gjithë stafi i zyrës së financuar nga taksapaguesit Schröder dha dorëheqjen në përgjigje të refuzimit të tij për të lënë këto pozicione fitimprurëse në kompanitë ruse të gazit.

Zyrtarët gjermanë thanë se qeveria nuk kishte rënë dakord për ndonjë takim që përfshinte ish-kancelarin dhe Putinin, raporton Reuters./abcnews.al/