Irani do të rihapë të gjitha vendet festare dhe kulturore për festën e Bajramit, pavarësisht numrin të madh të të infektuarve.

Presidenti Hassan Rouhani tha se muzetë dhe faltoret do të jenë të hapura për pelegrinët, por hapja e xhamive dhe qendrave tregtare pritet të diskutohet pas festave.

Faltoret e shenjta do të jenë të hapura nga lindja e diellit deri në perëndimin e diellit, por nuk do të lejohen lutjet e xhematit, tha Rouhani.

Vizitorët e vendeve do t’u kërkohet të respektojnë udhëzimet e shëndetit dhe sigurisë dhe vizitat do të jenë për një periudhë të shkurtër, shtoi ai.

Presidenti iranian gjatë një interviste në televizionin shtetëror tha se Irani ka kaluar tri fazat e koronavirusit.

Faza e katërt është kontrollimi në 10 nga 31 provincat e Iranit, ku situata është më e mirë dhe shqyrtimi do të intensifikohet ndërsa pacientët e infektuar do të ndahen nga pjesa tjetër e popullsisë.

Presidenti tha javën e kaluar që restorantet do të rihapeshin pas Ramazanit dhe aktivitetet sportive do të rinisnin pa spektatorë. Universitetet, por jo shkollat mjekësore, do të rihapen më 6 qershor.

Sipas shifrave të ministrisë së shëndetësisë, më shumë se 7,000 njerëz deri më tani kanë vdekur nga pandemia në Iran dhe më shumë se 130,000 janë infektuar./arbresh.info/