Presidenti sirian Bashar al-Assad dhe gruaja e tij Asma janë infektuar me koronavirus, por ata janë mirë dhe gjendja e tyre është e qëndrueshme, njoftoi presidenca sot, ndërsa numri i njerëzve të infektuar në Siri është duke u rritur dukshëm.

Al-Assad dhe gruaja e tij Asma bënë një test PCR pasi kishin ndjerë simptoma të lehta të koronavirusit, transmeton portal arbresh.info

“Gjatë izolimit, i cili do të zgjasë midis dy dhe tre javësh, ata do të vazhdojnë të punojnë nga shtëpia,” shtoi presidenca në një deklaratë.

Ministria e shëndetësisë raportoi një rritje të infeksioneve në fillim të marsit, duke bërë thirrje për respektimin e rreptë të distancës sociale dhe duke thënë se në vend kanë arritur tashmë edhe variantet tjera të koronavirusit.

Autoritetet njoftuan fillimin e një fushate për të vaksinuar personelin mjekësor në fund të shkurtit. Siria ka marrë 5,000 doza të vaksinës kineze për 2,500 mjekë, sipas të përditshmes Al-Ëatan, e cila është medium i afërt me qeverinë.

Siria ka miratuar gjithashtu përdorimin e një vaksine nga aleati i saj rus, Sputnik V, tha ambasada e Damaskut në Moskë./arbresh.info/