India do të vendosë qindra tanke në kufi me Pakistanin

16:24 | 21 Janar 2017
Trina Galanxhi

India është duke u përgatitur që të vendosë më shumë se 460 tanke përgjatë kufirit të saj me Pakistanin.

Zyrtarët e lartë kanë konfirmuar planet e ushtrisë indiane për të vendosur T-90MS MBTS përgjatë kufijve të Indisë perëndimore dhe veriore me Pakistanin, transmeton arbresh.info.

Ky veprim vjen pasi Pakistani ka kërcënuar Indinë me një sulm bërthamor, duke nxitur spekulime se ky veprim është pjesë e strategjisë jozyrtare të Indisë që njihet si ‘Fillimi i Ftohtë’.

Këto tanke janë projektuar nga Rusia, me një kosto prej 2 miliardë dollarësh dhe do t’i bashkohen tankeve tjera të vendosura në shtetet indiane të Rajasthan dhe Punjab.

Analistët thonë se rritja e ndjeshme e prezencës së tankeve në kufi me Indinë tregon se India është duke u përgatitur pëe të aktivizuar doktrinën e saj./Arbresh.info