Protestuesit e pro-demokracisë në Hong Kong kanë kërkuar ndihmë nga Presidenti amerikan, Donald Trump, ndërsa kanë marshuar përpara konsulatës amerikane në vend.

Disa po mbajnë flamuj duke lexuar, “Presidenti Trump, të lutem shpëto Hong Kong” dhe “Bëni Hong Kong të madh përsëri”, transmeton portali arbresh.info

Protestat kanë hyrë në javën e 14-të, edhe pse liderët e qytetit kanë përmbushur një nga kërkesat kryesore të protestuesve.

Në vazhdimësi, Kina ka paralajmëruar që shtetet tjera të mos “përzihen” në punët e saj.

Kina thotë se situata në Hong Kong, një ish-koloni britanike e kthyer në Kinë në 1997, është thjesht çështje e saj e brendshme.

Protestuesit të dielën kanë mbajtur në duar flamuj të SHBA-ve dhe kanë brohoritur duke u lutur që të “çlirojnë” Hong Kongun nga Kina.

Ata po kërkojnë që SHBA të miratojë një “Akt të Drejtave të Njeriut dhe Demokracisë së Hong Kongut” të propozuar, të cilin senatorët demokratë po e presin për shqyrtim javën e ardhshme.

Ligji do të kërkonte që SHBA të certifikonte shkallën e lartë të autonomisë së Hong Kongut mbi baza vjetore për të justifikuar statusin e saj të veçantë tregtar./arbresh.info/