Haradinaj mbështet fuqishëm sulmet ajrore amerikane mbi centralet bërthamore të Iranit

18:13 | 22 Qershor 2025
E.H

Kryetari i AAK-së, Ramush Haradinaj ka mbështetur fuqishëm sulmet ajrore amerikane në centralet bërthamore të Iranit.

Me anë të një postimi në Facebook, Haradinaj ka kujtuar sulmet e 24 marsit 1999 kundër regjimit të Millosheviqit, përcjell Arbresh.info.

Postimi i plotë:

Më 24 mars 1999, shtetet aleate të udhëhequra nga Amerika nisën fushatën ajrore kundër regjimit të Millosheviqit.

Në atë kohë, regjimi i Millosheviqit mbështetej nga një koalicion regjimesh shtetërore, përfshirë edhe regjimin iranian, në planet e tij gjenocidale kundër shqiptarëve të Kosovës. Sulmet ajrore të Amerikës dhe të aleatëve mbi caqet serbe ndalën regjimin e Millosheviqit dhe shpëtuan popullin tonë.

Mbështesim fuqishëm sulmet ajrore mbi kapacitetet bërthamore të regjimit iranian dhe angazhimin e Presidentit Trump dhe të Amerikës për paqe dhe siguri në botë./Arbresh.info