Një murgeshë franceze, që konsiderohet si personi më i vjetër në Europë, i ka mbijetuar koronavirusit, vetëm disa ditë para 117 vjetorit të lindjes.

Lucile Randon, i cili mori emrin e Motrës Andre në 1944, doli pozitiv për koronavirus në 16 janar, por nuk shfaqi asnjë simptomë, shkruan BBC, transmeton portali arbresh.info

Për mediat lokale ajo tha se “nuk e kishte kuptuar që po e kalonte koronavirusin”.

Ajo u izolua veçmas nga banorët e tjerë në shtëpinë e saj të pensionit në Toulon, në jug të Francës, por tani konsiderohet e rikuperuar plotësisht.

Motra Andre, e cila është e verbër dhe përdor një karrocë, tani është duke pritur të festojë ditëlindjen e saj të 117-të.

Motra Andre lindi në 11 Shkurt 1904. Përveçse është personi më i vjetër i Europës, ajo është gjithashtu personi i dytë më i vjetër në botë, sipas Listës Botërore të Renditjes Supercentenariane të Gerontology Research Group (GRG).

Kur u pyet nëse kishte frikë nga Covid-19, ajo tha: “Jo, sepse nuk kam frikë nga vdekja”./arbresh.info/