I dërguari i posaçëm i ish-presidentit Donald Trump, Richard Grenell, ka njoftuar lirimin e gjashtë shtetasve amerikanë pas një takimi me presidentin venezuelian Nicolas Maduro në Karakas.

Sipas qeverisë venezueliane, bisedimet u zhvilluan në një klimë respekti të ndërsjellë, duke përfshirë diskutime mbi emigracionin, sanksionet dhe të ndaluarit amerikanë në Venezuelë.

Takimi vjen në një kohë kur marrëdhëniet SHBA-Venezuelë kanë qenë të tensionuara për shkak të sanksioneve amerikane dhe akuzave për grusht shteti, por të dyja palët kanë interesa të përbashkëta, si licenca e kompanisë Chevron për operim në Venezuelë.

Grenell e cilësoi diplomacinë si një “taktikë” dhe tha se diskutimet për një kapitull të ri në marrëdhëniet mes dy vendeve do të vazhdojnë./euronews