Ministri i Shëndetësisë në Gjermani, pret që numri i infeksioneve me koronavirus në vend të vazhdojnë të rriten për disa javë, përpara se të arrijnë kulmin muajin e ardhshëm.

Karl Lauterbach i tha transmetuesit publik gjerman ZDF se “vala do të arrijë kulmin e saj afërsisht në mes të shkurtit”, transmeton portal arbresh.info

Lauterbach paralajmëroi se ndërsa normat e shtrimit në spital janë aktualisht të ulëta, klinikat mund të shohin një tendosje të rëndë në javët e ardhshme, duke vënë në dukje se përqindja e njerëzve mbi moshën 50 vjeç që nuk janë vaksinuar është dukshëm më e lartë në Gjermani sesa në vendet e tjera europiane, si Italia dhe Britania.

Agjencia gjermane e kontrollit të sëmundjeve raportoi 133,536 raste të reja të konfirmuara të COVID-19 në 24 orët e fundit dhe 234 vdekje.

Sipas studimeve, varianti Omicon ka më pak gjasa të shkaktojë sëmundje të rënda sesa varianti i mëparshëm delta.

Omicron përhapet edhe më lehtë se llojet e tjera të koronavirusit dhe tashmë është bërë dominues në shumë vende. Ai gjithashtu infekton më lehtë ata që janë vaksinuar ose ishin infektuar më parë nga versionet e mëparshme të virusit./arbresh.info/