Gjermania ka kaluar kulmin e valës omicron të koronavirusit, tha të martën Ministri i Shëndetësisë Karl Lauterbach.

“Kulmi i valës Omicron ka kaluar, pothuajne në ditën që parashikova një muaj më parë”, tha Lauterbach për “Bild”, duke shtuar se autoritetet do të rishqyrtojnë me kujdes hapat për relaksimin e masave, transmeton portal arbresh.info

Mesatarja e infeksioneve të koronavirusit ka rënë në 180 mijë.

Gjermania regjistroi një rekord prej 248.838 rastesh më 4 shkurt, gati dy javë pasi autoritetet shëndetësore konfirmuan se varianti Omicron u bë lloji dominues në vend.

Varianti shumë infektiv nxiti një rritje të paprecedentë të infeksioneve të reja, por shumica e rasteve të Omicron kanë qenë të lehta, duke mos kërkuar shtrimin në spital.

Gjermania është ndër vendet më të goditura nga pandemia e koronavirusit në Europën Perëndimore.

Gjermania me 83 milionë banorë ka raportuar më shumë se 12.5 milionë infeksione dhe gati 120,250 vdekje që nga fillimi i pandemisë./arbresh.info/