Një 37 vjeçar pretendon të ketë gjetur një pjesë 80-metra të gjatë të Murit të Berlinit, për të cilin autoritetet nuk ishin në dijeni.

“Sipas hulumtimit tim, është pjesa e fundit e murit origjinal”, ka thënë Christian Bormann për Berliner Zeitung, transmeton portali arbresh.info

Zyra lokale qeveritare që ka përgjegjësi për monumentet duket se nuk e ka ditur për ekzistencën e kësaj pjese. Të dhënat tregojnë se seksioni ishte regjistruar si i çmontuar.

Bormann, që ka hobi historinë, gjeti murin në Schönholz në pjesën veriore të qytetit në vitin 1999. Ai e mbajti të fshehur zbulimin deri të hënën, kur vendosi të postojë një shkrim në blogun e tij personal dhe të kontaktojë zyrtarët lokale.

Bormann tha se kishte parë dëmtimin e stuhive në vend dhe ishte i shqetësuar për vandalët, kështu që tani ndihej i detyruar të informonte autoritetet për gjetjen./Arbresh.info/