Ministri izraelit i Mbrojtjes Yoav Gallant tha të shtunën se vendi ka forcuar aftësitë e tij mbrojtëse dhe sulmuese në fusha të ndryshme – duke përfshirë tokën, ajrin, detin dhe inteligjencën – kundër një sulmi të mundshëm nga Irani ose përfaqësuesit e tij.

Izraeli do të mbrojë qytetarët e tij, tha Gallant në një deklaratë, duke shtuar se veprimet e Iranit riafirmojnë statusin e tij si një “shtet terrorist”, raporton CNN.

Ai siguroi se Izraeli është plotësisht i përgatitur për të luftuar çdo formë “terrorizmi” dhe u bëri thirrje qytetarëve që t’u përmbahen udhëzimeve të dhëna nga Forcat e Mbrojtjes të Izraelit dhe Komanda e Frontit të Brendshëm.

Gallant po kryen një vlerësim të situatës operacionale me shefin e shtabit të përgjithshëm të IDF-së, gjenerallejtënant Herzi Halevi dhe zyrtarë të tjerë të lartë të mbrojtjes të shtunën në mbrëmje./rtk