Kryeministrja finlandeze Sanna Marin thotë se vendi i saj do të vendosë nëse do të aplikojë për t’u bashkuar me NATO-n “brenda javësh”.

Në një konferencë të përbashkët shtypi me kryeministren suedeze, Marin tha se nuk sheh asnjë arsye për të vonuar vendimin, shkruan BBC, transmeton portal arbresh.info

Komentet e saj përkonin me një raport në parlamentin finlandez që thoshte se anëtarësimi në bllok mund të rezultojë në “rritje të tensioneve në kufirin midis Finlandës dhe Rusisë”.

Moska ka paralajmëruar Finlandën dhe Suedinë kundër anëtarësimit në NATO në javët e fundit.

Finlanda dhe Suedia janë ushtarakisht të paangazhuara, por pushtimi i Ukrainës nga Rusia ka nxitur rritjen e mbështetjes publike për t’u bërë anëtarë të aleancës mbrojtëse perëndimore.

Finlanda ndan një kufi prej 1,340 km (830 milje) me Rusinë dhe zëdhënësi i Kremlinit Dmitry Peskov ka theksuar se Moska do të duhet të “ribalancojë situatën” me masat e veta nëse oferta për në NATO shkon përpara.

“Nuk do të jap asnjë lloj orari kur do të marrim vendimet tona, por mendoj se do të ndodhë mjaft shpejt”, tha Marin, duke vënë në dukje se anëtarësimi në NATO i ofron Finlandës garancinë e sigurisë të Nenit 5, ku një sulm ndaj një anëtari shihet si një sulm ndaj të gjithëve.

Nëse Finlanda vendos të jetë pjesë e NATO-s, ajo do të detyrohej të shpenzonte deri në 1.5% më shumë të buxhetit të saj për mbrojtjen.

Finlanda ka njoftuar tashmë një rritje prej 40% në buxhetin e saj të mbrojtjes deri në vitin 2026./arbresh.info/