Është mbyllur dera e Kapelës Sistine, dhe 133 kardinalë kanë filluar sot raundin e dytë të votimit për të zgjedhur pasardhësin e Papës. Kjo është hera e parë nga katër raundet e planifikuara për sot, dy në mëngjes dhe dy të tjerë në pasdite.

Nëse votimi i mëngjesit rezulton i suksesshëm, tym i bardhë do të ngrihet mbi Vatikan, një shenjë për botën se Kisha Katolike ka një Papë të ri.

Në të kundërt, nëse as ky raund nuk sjell rezultat, pritet që nga oxhaku të dalë tym i zi, duke sinjalizuar se zgjedhja ka dështuar dhe do të vazhdohet me votimet e tjera.

Zgjedhja e Papës kërkon shumicën e dy të tretave nga kardinalët votues.

Procesi i Konklavës është i mbështjellë me sekrete të mëdha, ku jashtë botës i mbetet vetëm të presë dhe të shikojë ngjyrën e tymit që del nga Kapela Sistine.