Bashkimi Evropian duhet të fillojë procesin e decentralizmit dhe të japë të drejtën e vendimarrjes shteteve anëtare, tha fituesi i çmimit Nobel për ekonomi Oliver Hart.

Për platformën mediate EurActiv ai tha se ‘Brukseli ka shkuar shumë larg centralizimit dhe pushtetit’ dhe sipas tij nëse BE-ja nuk e braktis këtë lloj lidershipi ‘nuk do të mund të mbijetojë’, transmeton arbresh.info.

“Të 28 vendet e BE-së nuk janë mjaft homogjene që të funksionojnë me një monedhë të vetme”, tha profesori i Universitetit të Harvardit.

Hart shtoi se Brukseli duhet të rikthejë fuqinë e vendeve që janë anëtare të BE-së, por ‘duhet të ruajë kontrollin në disa fusha të rëndësishme sikurse tregtia e lirë dhe lëvizja e lirë’.

Ai ka theksuar se ‘euro ka qenë një gabim i madh i BE-së’.

“Nuk do të ishte aspak gabim nëse në të ardhmen BE-ja braktis monedhën e përbashkët”, shtoi ai./Arbresh.info