Sipas informacioneve nga Anadolu Agency deri më tani janë numëruar 80% e votave në Turqi, sipas rezultateve Erdogan kryeson me 50%, ndërsa kandidati i opozitës me 43%.

Midis tyre po zhvillohet një garë fortë, ku deri më tani Kilicdaroglu kryeson në Stamboll ndërsa Erdogan në Ankara.

Pak para se të përfundojë numërimi i votimit Erdogan dërgon një mesazh në Twitter ku duket shumë pozitiv me rezultatin edhe pse ende nuk është përfundimtar.

“Fakti që zgjedhjet e 14 majit u zhvilluan në formën e një feste të madhe të demokracisë me paqe dhe qetësi është shprehje e pjekurisë demokratike të Turqisë sonë. Ndërsa zgjedhjet u zhvilluan në një atmosferë kaq pozitive dhe demokratike dhe numërimi i votave vazhdon ende, përpjekja për të shpallur rezultate me ngut do të thotë uzurpim i vullnetit kombëtar. Jemi të kënaqur që favori i kombit tonë reflektohet në numërimin e vazhdueshëm të votave. Kërkoj nga të gjithë palët dhe kolegët e mi të qëndrojnë në kutitë e votimit, pa marrë parasysh çfarë, deri në përfundimin zyrtar të rezultateve. Përgëzoj të gjithë qytetarët e mi që votuan në emër të demokracisë dhe morën pjesë në punën zgjedhore dhe shpreh mirënjohjen time për secilin prej tyre”, shkruan ai në Twitter./abcnews.al/