Për të mbajtur nën kontroll Covid-19, njerëzit duhet të mësohen të jetojnë me masa kufizuese për dy ose më shumë vjet, thotë epidemiologu zviceran, Matthias Eger.

Kreu i Shtabit të Krizave në Zvicër për luftën ndaj koronavirusit, tha për am Zontag se shpreson që procesi i vaksinimit të fillojë brenda një viti, por paralajmëroi se ka akoma shumë pengesa, transmeton portal arbresh.info

“Virusi është i panjohur, por eshte e mundur që zbulojmë diçka që mund të komplikojë dhe ngadalësojë zhvillimin e vaksinave efektive dhe të sigurta”, shtoi Eger.

Ai ka paralajmëruar se njerëzit duhet të mbajnë maska, të respektojnë masat higjenike dhe të mbajnë distancën, në mënyrë që të kontrollojnë përhapjen e virusit.

Në prag të hapjes së shkollave në Zvicër, më 11 maj, Profesor Eger, ka paralajmëruar prindërit që të mos shqetësohen, sepse nuk ka asnjë rast të dokumentuar mbi infektimin e fëmijëve nga të rriturit, dhe se pothujase nuk ka pasur raste të infeksionit midis fëmijëve.

“Janë mbi 3 milionë raste të Covid-19 në botë. Të dhënat tregojnë se fëmijët nuk luajnë rol të madh në përhapjen e virusit”, tha ai, megjithatë, kërkoi nga prindërit që të bëjnë kujdes./arbresh.info/