Deputetët rusë i kanë kërkuar Vladimir Putinit të njohë si të pavarura dy zona të kontrolluara nga separatistët në Ukrainën lindore.

Kjo kërkesë vjen pas një votimi në Duma të martën, shkruan Euronews.

Siç thuhet më tej, dy rezoluta iu paraqitën dhomës së ulët me qëllim të njohjes së pavarur të Republikës Popullore të vetëshpallur të Donetsk (DPR) dhe Republikës Popullore të Luhanskut (LPR).

Të dyja ndodhen në rajonin lindor të Ukrainës, Donbas, ku separatistët e mbështetur nga Rusia kanë luftuar kundër forcave ukrainase që nga viti 2014.

Dallimi midis dy rezolutave është se e para i bëri thirrje drejtpërdrejt Putinit që “menjëherë” t’i njihte të dy zonat si të pavarura, ndërsa e dyta do t’i dërgohej ministrisë së jashtme të Rusisë dhe strukturave të tjera qeveritare “për studim dhe reagime”.

Viacheslav Volodin, kryetari i dhomës së ulët të Dumës, tha në një deklaratë pas votimit se “deputetët vendosën t’i dërgojnë një apel presidentit”.

Ai argumentoi se një njohje e tillë “do të krijojë baza për garantimin e sigurisë dhe mbrojtjen e banorëve të republikave nga kërcënimet e jashtme, si dhe për forcimin e paqes ndërkombëtare dhe stabilitetit rajonal në përputhje me qëllimet dhe parimin e Kartës së Kombeve të Bashkuara dhe do të iniciojë procesin e njohjes ndërkombëtare të dy shteteve”.

Tutje Volodin akuzoi autoritetet ukrainase për shkelje të “të drejtave dhe lirive” të banorëve dhe për një “bllokadë të plotë ekonomike” të dy zonave.

Një veprim i tillë vlerëson se do të rrisë tensionet midis Rusisë dhe Ukrainës një nivel tjetër, edhe pse trupat ruse filluan një tërheqje të pjesshme nga kufiri ukrainas. /arbresh.info/