Ditë zie: Qeveria bullgare e filloi seancën me një minutë heshtje

10:57 | 24 Nëntor 2021

Në ditën e zisë kombëtare, seanca e qeverisë teknike të Bullgarisë filloi me një minutë heshtje, tha korrespondenti i MPB-së nga Sofja.

Kryeministri i Bullgarisë Stefan Janev tha se kjo është dita kur kujtojmë viktimat – nëntë shtetas bullgarë që humbën jetën nga zjarri në shtëpinë e të moshuarve në fshatin Rojak të Varnës dhe qytetarët e Republikës së Maqedonisë së Veriut që vdiqën në aksident autobusi në autostradën e Strumës.

“Në kohë të vështira, le të shprehim ngushëllimet tona për familjarët dhe të afërmit e viktimave”, tha Janev.

Flamujt e institucioneve shtetërore, përfshirë edhe para ndërtesës së Këshillit të Ministrave të Bullgarisë, janë ulur përgjysmë, në nderim të viktimave nga fshati Rojak dhe autostrada Struma.

Lajmet më të lexuara