COVID-19, shkollat po inkurajojnë nxënësit të vendosin piktura për të “ringjallur shpresën”

20:02 | 21 Mars 2020
A. B.

Fotografitë e ylberëve kanë filluar të shfaqen nëpër dritare pasi që ditë më parë shkollat u mbyllën, pas përhapjes së shpejtë të coronavirusit.

Qindra shkolla po inkurajojnë nxënësit të vendosin piktura për të “përhapur shpresën”, ky po fillon të bëhet trend në rrjete sociale, shkruan BBC transmeton portali arbresh.info

Edhe pse shkollat janë mbyllur, një mësues tha se fryma e shkollës u ringjall me mësimet në internet.

Shkollat në të gjithë Mbretërinë e Bashkuar u mbyllën të premten.

Një zëdhënës i Shkollës Grange në Newcastle tha: “Ne po shpresojmë të përhapim fushatën tonë nëpër dritare sa më gjerë.

“Shenjat po rriten në dritare në të gjithë zonën tonë dhe më gjerë dhe do të ndihmojnë vërtet në ngritjen e moralit për fëmijët (dhe familjet) në këto periudha të vështira.”./arbresh.info/