Ad Banner
Ad Banner
Ad Banner
Ad Banner

Brazil, rekord viktimash nga COVID-19 në 24 orët e fundit

13:37 | 17 Mars 2021
A. B.

Brazili ka regjistruar sot 2 841 të vdekur nga COVID-19 në 24 orë, një rekord i ri në vend ku epidemia sa vjen e përkeqësohet.

Shifra e fundit rekord u regjistrua më 10 mars, me 2 286 të vdekur, sipas shifrave të Ministrisë së Shëndetësisë.

Në total, vendi me 212 milionë banorë numëron 282 127 të vdekur si pasojë e COVID-19, duke u bërë vendi i dytë më i prekur në botë në shifra absolute, pas SHBA-së.

Këto shifra konfirmojnë një rritje të përshpejtuar të të vdekurve që prej fillimit të shkurtit, me 1 965 të vdekur mesatarisht gjatë shtatë ditëve të fundit. Në fillim të vitit, mesatarja e shtatë ditëve ishte 703 të vdekur.

Ministria e Shëndetësisë ka njoftuar gjithashtu 83 926 infektime të reja gjatë 24 orëve të fundit, shifra e dytë më e lartë që prej shfaqjes së pandemisë në vend në shkurt 2020, për një total prej 11 603 535 rastesh të deklaruara.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm