Këshilltari i Sigurisë Kombëtare të SHBA-së, John Bolton tha se presidenti amerikan Donald Trump është i gatshëm për bisedime reale dhe se ajo që Irani duhet të bëjë është të kalojë nëpër derën e hapur, raporton Anadolu Agency (AA).

Bolton gjatë adresimit të tij në samitin trepalësh të sigurisë SHBA-Rusi-Izrael të mbajtur në Kudsin Perëndimor, komentoi tensionet në mes Uashingtonit dhe Teheranit.

Ai kujtoi përpjekjet e diplomatëve amerikanë për të ulur tensionet dhe akuzoi Iranin për shpërfilljen e këtyre tensioneve.

“Nuk ka asnjë dëshmi se Irani me vendim strategjik ka hequr dorë nga armët bërthamore”, tha Bolton.

Ai gjithashtu foli për bisedimet e mundshme midis SHBA-së dhe Iranit.

“Presidenti Trump ka lënë të hapur derën për bisedime reale. Ajo që duhet bërë Irani është të kalojë përmes derës së hapur”, tha Bolton.

Takimi trepalësh i sigurisë filloi dje në Kudsin Perëndimor dhe vazhdon edhe sot ndërsa temat kryesore janë zhvillimet në Siri dhe roli i Iranit në rajon.