Gjersa Trumpi është gati të bëhet presidenti i parë në historinë amerikane që shkon drejt impeçmentit, Joe Biden po vazhdon me përgatitjet e tij tranzicionale.

Ai posa ka njoftuar se i ka kërkuar ish ambasadores amerikane në Kombet e Bashkuara, Samantha Power që të udhëheqë Agjencinë për Zhvillim Ndërkombëtar (USAID), që ka për detyrë të shpërndajë ndihma ndërkombëtare, transmeton portali arbresh.info

Power më parë ka punuar si reportere lufte dhe për adminsitratën e Obamës në Këshillin Kombëtar të Sigurisë para se të bëhej përfaqësuese në Kombet e Bashkuara nga 2013 deri më 2017.

Biden njoftoi gjithashtu se ai kishte vendosur të ngrinte rolin e administratorit të USAID në mënyrë që Power të jetë pjesë e Këshillit të Sigurimit Kombëtar.

“Samantha Power është një zë i njohur botërisht i ndërgjegjes dhe qartësisë morale – sfidon dhe mbledh bashkësinë ndërkombëtare për të dalë për dinjitetin dhe njerëzimin e të gjithë njerëzve”, tha Biden në një deklaratë.

“Unë e di nga dora e parë njohurinë e pashembullt dhe angazhimin e palodhur për angazhimin parimor amerikan që ajo sjell në tryezë dhe ekspertiza dhe perspektiva e saj do të jenë thelbësore ndërsa vendi ynë riafirmon rolin e tij si një lider në skenën botërore”, shtoi ai.

Në Twitter, Power tha se ajo ndjehej “jashtëzakonisht me fat” për të shërbyer në administratën e Biden./arbresh.info/