Shtetet e Bashkuara të Amerikës do të përfundojnë mbështetjen e tyre për operacionet sulmuese ndaj aleatëve të saj në Jemen.

Lufta gjashtë vjeçare në të cilën besohet se më shumë se 110,000 njerëz kanë vdekur, ka lënë gjithashtu miliona jemenas në prag të urisë, shkruan BBC, transmeton portal arbresh.info

“Lufta në Jemen duhet të përfundojë,” tha Presidenti Joe Biden në fjalimin e tij të parë ndaj politikave të jashtme.

SHBA ka mbështetur koalicionin e udhëhequr nga Arabia Saudite kundër rebelëve Houthi në Jemen.

Luftimet filluan në 2014 midis një qeverie të dobët të Jemenit dhe lëvizjes rebele Houthi. Ajo u përshkallëzua një vit më vonë, kur Arabia Saudite dhe tetë shtete të tjera arabe, SHBA-të, Britania e Madhe dhe Franca, filluan sulmet ajrore kundër grupit Houthi.

Biden njoftoi ndryshime të tjera në politikën e jashtme të SHBA, të tilla si një rritje e konsiderueshme e numrit të refugjatëve të pranuar nga SHBA-të, dhe për një ndryshim i vendimit për tërheqjen e trupave amerikane nga Gjermania, ku ata janë vendosur që nga përfundimi i Luftës së Dytë Botërore .

Fjalimi i tij shënon një ndërprerje të mprehtë me politikat e ish-presidentit Donald Trump, i cili u largua nga detyra muajin e kaluar.

Administrata Biden ka ndaluar përkohësisht shitjet e armëve për Arabinë Saudite dhe Emiratet e Bashkuara Arabe./arbresh.info/