Presidenti amerikan Joe Biden tha të mërkurën se beson që Rusia synon qëllimisht civilët në Ukrainë, por nuk pranoi të thoshte nëse ai besonte se po kryheshin krime lufte.

“Është e qartë se ata po synojnë civilët”, tha Biden, raporton cnn.

I pyetur nëse beson se Rusia po kryen krime lufte, presidenti amerikan tha se “Ne po e ndjekim atë nga afër. Është shumë herët për ta thënë këtë”.

Ndërsa SHBA kërkon mënyra për të ndëshkuar Rusinë, Biden përsëriti gjithashtu se sanksionimi i eksporteve ruse të naftës mbeti një mundësi, megjithëse zyrtarët kanë paralajmëruar se ata do të punojnë për të minimizuar ndikimin e një lëvizjeje të tillë në çmimet e naftës në SHBA dhe botë.

“Asgjë nuk është jashtë tryezës”, tha Biden kur posaçërisht u bë presion për ndalimin e eksporteve ruse të naftës.

Më vete, Biden tha gjithashtu se i takon udhëheqësit ukrainas Volodomyr Zelensky të vendosë nëse ai dëshiron të qëndrojë në vendin e tij pasi ai është nën rrethimin nga Rusia.

“Unë mendoj se është gjykimi i tij dhe ne po bëjmë gjithçka që mundemi për ta ndihmuar atë”, tha Biden ndërsa u largua nga Shtëpia e Bardhë drejt Wisconsit.

Ndryshe, Biden dhe Zelensky folën për rreth 30 minuta të martën.