Senatori amerikan Bernie Sanders do të rikandidojë për zgjedhjet presidenciale në vitin 2020.

Demokrati Bernie Sanders ishte ndër kandidatët më potencialë për t’u nominuar nga Partia Demokratike në zgjedhjet e vitit 2016, por në fund garën brenda partisë e fitoi Hillary Clinton.

Sanders e ka bërë publik vendimin e tij në një intervistë në një radio në Vermont. Ai e ka quajtur Donald Trumpin si “gënjeshtar patologjik”, “racist” dhe “turp për vendin”.

“Doja që njerëzit e Vermontit ta mësonin të parët vendimin”, ka shpjeguar Bernie Sanders. “Nisëm një revolucion politik në fushatën e vitit 2016, tani ka ardhur koha që ta çojmë në fund”.

Bernie Sanders spikat për bindjet e tij të majta, për më shumë shtet social, sistem shëndetësor të garantuar nga shteti dhe mbi të gjitha për zvogëlimin e pabarazive ekonomike. Ai mbështetet nga intelektualët e majtë, jo vetëm në Amerikë po edhe në Europë.