Në Belgjikë ka arritur në 1 milion numri i personave që janë prekur nga COVID-19 që nga fillimi i pandemisë, transmeton Anadolu Agency (AA).
Sipas të dhënave të Institutit Kombëtar të Shëndetit Publik, deri më sot në Belgjikë kanë rezultuar pozitiv në testin për koronavirusin 999.700 persona. Ndërsa si pasojë e virusit kanë humbur jetën 24.367 persona.
Në Belgjikë e cila është një nga vendet më të prekura nga vala e parë e pandemisë në Evropë, që nga vala e dytë zbatohen masa të tilla si kufizimi i daljes në rrugë natën, mbyllja e restoranteve, bareve dhe kafeneve si dhe detyrimi për kryerjen e punës nga shtëpia.
Më 8 maj në vend do të lirohen masat ku në kuadër të kësaj do të hapen restorantet për shërbim në pjesët e hapura, baret dhe kafenetë si dhe do të përfundojë kufizimi për dalje në rrugë.
Vendimin për lirimin e masave qeveria e ka marrë pas rënies së numrit të rasteve dhe përshpejtimin e vaksinimeve. Numri i rasteve i cili në tetor ishte mbi 15 mijë ka rënë në 2 mijë, ndërkohë që në muajin mars u rrit sërish në 5 mijë dhe aktualisht ndodhet në nivelin nën 3 mijë.
Në vendin me popullsi prej 11.4 milionë banorë është përshpejtuar fushata e vaksinimit. Të paktën 3.1 milionë persona e kanë marrë dozën e parë të vaksinës ndërsa 856 mijë të tjerë dozën e dytë.
Tre të lënduar nga aksidenti mes tri automjeteve në rrugën P...
Përurohen dy linja të reja ajrore direkte midis Prishtinës d...
Arrestohen dy burra në Gjilan për vjedhje të rëndë dhe keqpë...
Aksident në Shipkovc të Mitrovicës, lëndohet shoferi i motor...
PDK dorëzon kërkesë në Kushtetuese për vlerësimin e shkeljev...
Ndërhyrja në mushkëri e pengoi të fluturonte, Jota po shkont...