BE-ja kufizon shitjen e gomoneve për Libinë

20:52 | 17 Korrik 2017
Trina Galanxhi

Bashkimi Europian ka vendosur që të kufizojë shitjen e gomoneve për Libi, të cilat po përdoren për trafikimin e emigrantëve dhe refugjatëve.

Ministrat e Jashtëm të BE-së kanë rënë dakord për këtë vendim, me qëllim që të frenojnë krizën e emigrantëve, transmeton portali arbresh.info

Mbi 88 mijë emigrant kanë kaluar Detin Mesdhe në përpjekje për të arritur Italinë dhe më pas të vazhdojnë drejt vendeve tjera të pasura të BE-së.

Përkundër këtij dakordimi, Luksembugu ka shprehur shqetësimin se ekziston rreziku që fondet e BE-së që do t’i ofrohen Libisë për frenimin e refugjatëve dhe emigrantëve të bëjnë që këta të fundit të përfundojnë nëpër ‘kampe të përqendrimit’.

Një numër i madh i emigrantëve në Libi janë bërë pre e dhunës fizike dhe dhunimeve seksuale./Arbresh.info