Shtetet më të mëdha të Bashkimit Europian janë duke bërë presion për krijimin e një autoriteti të ri mbikqyrës që do të merrte përsipër mbikqyrjen e pastrimit të parave në firmat financiare, pasi blloku u përplas me një sëri skandalesh.

Në një deklaratë të përbashkët, Gjermania, Franca, Italia, Spanja, Hollanda dhe Letonia thanë se BE-së me 28 shtete kishte nevojë për një “mbikëqyrës qendror” për të trajtuar fluksin e parave të ndyra brenda sistemit financiar të bllokut, transmeton portali arbresh.info

Masa vjen pasi huadhënësit europiane u mbyllën për pastrimin e parave në Letoni, Maltë dhe Qipro, ndërsa  bankat e larta nga Ballkani dhe Europa Veriore u përfshinë në transaksione marramendëse me vlerë miliarda euro para të pista të Rusisë përmes degës Estoneze të Danske Bank, në ajo që shihet si skandali më i keq i pastrimit të parave në kontinent.

Nevoja për një mbikëqyrës të BE-së u shfaq pas dështimeve të përsëritura nga mbikëqyrësit kombëtarë për të zbuluar dhe luftuar kundër pastrimit të parave, thuhet në deklaratë.

“Kur interesat e mëdha financiare janë në rrezik, ekziston rreziku që mbikqyrësit kombëtarë të ndikohen drejtpërdrejt ose indirekt nga institucionet e mbikqyrura ose nga grupet e interesit”, thuhet në deklaratë.

Të gjashtë vendet thanë që mbikëqyrësi i ri mund të jetë një organ i ri ose një mbikëqyrës ekzistues, Autoriteti Bankar Evropian (EBA), i cili do të duhet të përmirësohet.

Thirrja për ndryshim vjen vetëm disa muaj pasi blloku ka pranuar të rregullojë mandatin e EBA për t’i dhënë mbikqyrësit fuqi të reja për të luftuar pastrimin e parave./arbresh.info/