Pasaportat britanike janë duke u lëshuar pa fjalët “Bashkimi Evropian” në kopertinë, përkundër vonesës së Brexitit.

Pasaportat e reja burgundi janë prezantuar nga 30 marsi, një ditë pasi Britania duhej të dilte nga BE-ja, por disa njerëz mund të marrin ende versionin e vjetër derisa të harxhohen ato që kanë mbetur, transmeton portali arbresh.info.

Një qytetare tha se ishte “me të vërtetë e tronditur” me ndryshimin.

Pasaportat blu të errëta që i ngjajnë dizajnit britanik para BE-së duhet të lëshohen nga fundi i vitit.

Susan Hindle Barone, e cila ka marrë pasaportën e saj të premten, i tha AP se ajo mendonte se dizajni nuk duhet të ndryshojë për aq kohë sa MB mbetet anëtare e BE.

Një ndryshim në hartimin e pasaportës së Mbretërisë së Bashkuar ka provuar një pikë mbledhjeje për përkrahësit e Brexit, me ish-liderin e UKIP Nigel Farage duke e përshkruar vendimin e 2017 për të rikthyer projektin blu të errët si “Brexmas”.

Vendimi për heqjen e etiketës “Bashkimi Evropian” është bërë me shpresën se Britania e Madhe do të largohet nga BE në fund të muajit të kaluar, siç është planifikuar./Arbresh.info/